"Челси" бош мураббийи Грэм Поттер қишки трансфер ойнасининг сўнгги кунида италиялик ярим ҳимоячи Жоржиньонинг "аристократлар" сафини тарк этиб, Лондоннинг "Арсенал" клубига ўтиш ҳақидаги қарорига изоҳ берди.

"Биринчидан, у фантастик футболчи ва ажойиб инсон. Унинг биз учун ўйнаши, бу ерда эришган ютуқлари ажойиб. Баъзан сиз шундай қарор қабул қилишингиз керак, у оиласи учун энг яхши қарорни қабул қилиши керак эди. "Арсенал"га ўтиш - ғалаба эди. Мен унга энг яхши тилакларимни тилайман. Ажойиб профессионал, буюк инсон", - деди Поттер Absolute Chelsea билан суҳбатда.

31 ёшли Жоржиньо 2018 йилдан буён "Челси"да тўп суради. "Кўклар”" билан италиялик футболчи 2021 йилда Чемпионлар лигасида ғолиб чиқди.