«Наполи» бош мураббийи Луцано Спалетти Италия чемпионатининг 21-тури доирасида «Специя» устидан қозонилган ғалаба (3:0) ҳақида фикр билдирди.
«Бундай учрашувларда ҳаммасини футболчиларнинг онгидаги фикрлар белгилаб беради. Ўйин аслида ҳакам ҳуштагидан бир кун олдин бошланади.
Агар учрашув тенгма-тенг курашлар остида кечса, бизга маҳорат, қобилият, Кварацхелия ва Осимхеннинг фантазияси керак бўлади. Улар ҳал қилувчи кучга эга.
Ҳаётда баъзида шундай бўладики, сиз маълум натижаларга эришганингизда, темпни назорат қилишингиз мумкин. Биз кўп ўйламадик, дарҳол ҳужумларни оширишга қарор қилдик.
Биз олдинга интиляпмиз ва мухлисларимиз ва уйда биз учун дуо қилаётган инсонларни хурсанд қилишни хоҳлаймиз», — деди мураббий.
