"Манчестер Сити" ҳимоячиси Кайл Уокер "Тоттенхэм"га (0:1) қарши АПЛнинг 22-туридан кейин "шаҳарликлар" ҳужумчиси Эрлинг Холандни танқид қилганларга жавоб қайтарди.
“Ҳеч ким Эрлинг гол урганида ва биз ғалаба қозонганимизда у ҳақида ҳеч нарса демайди. Ва агар биз ғалаба қозона олмасак ёки у гол ура олмаса, бирдан Эрлинг муаммога айланиб қолади, бирдан усиз биз яхшироқ бўламиз.
Мен буни доим эшитаман, лекин бу мавсумда 25 та гол урганида ҳеч ким нолимади. У фантастик футболчи”, - деди Уокер учрашувдан кейин.
Холанд "Сити"нинг "Тоттенхэм" ва "Арсенал"га қарши сўнгги икки ўйинида гол ура олмади.
Жорий мавсумда норвегиялик футболчи 27 та ўйин ўтказиб, 31 та гол ва 3 та голли узатмани амалга оширган.
