Ансу Фати "Барселона"ни тарк этиши мумкин.
Diario Sport хабарига кўра, вингерга бир қанча топ-клублар, хусусан, "Манчестер Юнайтед" қизиқиш билдирмоқда. "Бавария"дан ҳам қизиқиш билдирилган эди, аммо Bild журналисти Кристиан Фальк бу маълумотни рад этди.
Ўз навбатида "Барселона" Фатининг ҳолатига изоҳ бермаяпти. Жамоа бош мураббийи Хави Фати жароҳатдан сўнг ўзининг энг яхши формасини тиклай олишига ишонч билдирмоқда.
Қайд этилишича, клуб “астрономик” таклиф тушган тақдирдагина футболчини сотиш масаласини кўриб чиқади.
Жорий мавсумда Фати Ла Лиганинг 20 та учрашувида 3 та гол урди ва 3 та голли узатмани амалга оширди.
