17 ёшли бразилиялик ҳужумчига "Барселона" қизиқиш билдирмоқда.
Diario Sport хабарига кўра, Каталония клуби "Атлетико Паранаэнсе" футболчиси Витор Рокега қизиқиш билдирмоқда. Клублар ўртасида аллақачон биринчи алоқалар бўлган.
"Барса" ҳужумчининг янги Луис Суарес бўлиш учун етарли салоҳиятга эга эканлигига ишонмоқда.
"Барселона" президентининг маслаҳатчиси Деку ва "Атлетико"нинг техник координатори Луис Фелипе Сколари яхши муносабатда бўлгани трансфернинг амалга ошишига ҳисса қўшиши мумкин - улар бир-бирини 20 йилдан ортиқ вақт давомида билишади.
Қайд этилишича, Роке учун курашда “Барса”нинг асосий рақиблари Премьер-лига клублари ҳисобланади.
2022 йилда ҳужумчи "Атлетико Паранаэнсе" сафида барча турнирлар доирасида 36 та ўйинда майдонга тушиб, 7 та гол ва 3 та голли узатмани амалга оширган.
