17 yoshli braziliyalik hujumchiga "Barselona" qiziqish bildirmoqda.
Diario Sport xabariga ko‘ra, Kataloniya klubi "Atletiko Paranaense" futbolchisi Vitor Rokega qiziqish bildirmoqda. Klublar o‘rtasida allaqachon birinchi aloqalar bo‘lgan.
"Barsa" hujumchining yangi Luis Suares bo‘lish uchun yetarli salohiyatga ega ekanligiga ishonmoqda.
"Barselona" prezidentining maslahatchisi Deku va "Atletiko"ning texnik koordinatori Luis Felipe Skolari yaxshi munosabatda bo‘lgani transferning amalga oshishiga hissa qo‘shishi mumkin - ular bir-birini 20 yildan ortiq vaqt davomida bilishadi.
Qayd etilishicha, Roke uchun kurashda “Barsa”ning asosiy raqiblari Premyer-liga klublari hisoblanadi.
2022 yilda hujumchi "Atletiko Paranaense" safida barcha turnirlar doirasida 36 ta o‘yinda maydonga tushib, 7 ta gol va 3 ta golli uzatmani amalga oshirgan.