Мюнхеннинг "Бавария" клуби марказий ҳимоячиси Дайо Упамекано Bild мухбири билан суҳбатда опера қўшиқчисидан сабоқ олганини айтди. Ушбу машғулотлар французга ўйин пайтида баландроқ бақиришга ёрдам бериш учун мўлжалланган эди.

Манба берган хабарга кўра, 24 ёшли футболчи томоғи тез-тез оғриётгани ва овози хириллаш пайдо бўлганлиги сабабли операчига мурожаат қилганини тан олди.

Упамекано жорий мавсумда барча турнирларда 27 та ўйинда майдонга тушиб, битта голли узатмани амалга оширди. Дайонинг мюнхенликлар билан шартномаси 2026 йилнинг ёзига қадар тузилган. Франциялик футболчининг трансфер нархи 60 миллион еврони ташкил қилади.