Myunxenning "Bavariya" klubi markaziy himoyachisi Dayo Upamekano Bild muxbiri bilan suhbatda opera qo‘shiqchisidan saboq olganini aytdi. Ushbu mashg‘ulotlar fransuzga o‘yin paytida balandroq baqirishga yordam berish uchun mo‘ljallangan edi.
Manba bergan xabarga ko‘ra, 24 yoshli futbolchi tomog‘i tez-tez og‘riyotgani va ovozi xirillash paydo bo‘lganligi sababli operachiga murojaat qilganini tan oldi.
Upamekano joriy mavsumda barcha turnirlarda 27 ta o‘yinda maydonga tushib, bitta golli uzatmani amalga oshirdi. Dayoning myunxenliklar bilan shartnomasi 2026 yilning yoziga qadar tuzilgan. Fransiyalik futbolchining transfer narxi 60 million yevroni tashkil qiladi.
