"Барселона" дарвозабони Иньяки Пенья испан клубида қолади, дея хабар беради журналист Фабрицио Романо.
Манбага кўра, 23 ёшли испаниялик футболчига "Галатасарой" қизиқиш билдирган, бироқ турк клубининг таклифи рад этилган. "Барселона" айни дамда футболчи билан шартномани узайтириш борасида музокаралар олиб бормоқда.
Ўтган мавсумда Пенья 2022 йилнинг январидан ёзигача "Галатасарой" сафида тўп сурган ва 6 та ўйинда майдонга тушган. Жорий мавсумда дарвозабон “Барселона” сафида 3 та ўйин ўтказиб, ўз дарвозасидан 5 та гол ўтказиб юборди ва 1 та ўйинни қуруқ ўтказди.
