"ПСЖ" устози Кристоф Галтье "Марсел"га қарши Франция кубоги доирасидаги ўйинда бразилиялик ҳужумчи Неймарнинг ўйинини баҳолади. Пойтахтликлар 1:2 ҳисобида мағлуб бўлди ва турнирни тарк этди.
"Неймарнинг ўйини? Танаффус олдидан у эркин худудларни топди, яхши зарбалар берди. У зарбаси дарвоза устунига текканида жуда жаҳл қилди. Иккинчи бўлимда унга қийинроқ бўлди, бутун жамоа каби у ҳам бўш жойдан маҳрум бўлди. Неймар бу ўйинда бор кучини сарфлади", - деди Гальте Time.news билан суҳбатда.
Неймар жорий мавсумда 26 ўйинда майдонга тушиб, 17 гол ва 16 голга ассистентлик қилган.
