Анталия ўқув-машғулот йиғини доирасида "Қизилқум" илк ғалабани қўлга киритди.

Бу гал Руминиянинг “Брасов” клубига қарши беллашувнинг биринчи бўлими ўрталарида рақиб ҳимоячиларининг қўпол хатосидан кейин жамоа сардори Шерали Жўраев дарвозабон билан бирга-бир вазиятга чиқиб борди ва узоқ пастки бурчакни аниқ нишонга олди.

Иккинчи бўлимда ҳар иккала жамоа таркибида янги кучлар майдонга тушди. 74-дақиқада захирадан майдонга тушган ҳужумчимиз Жасур Холтўраев ҳисобдаги фарқни иккитага еткади. Ўйиннинг ҳакам томонидан қўшиб берилган дақиқаларида Саим Тудор Илёсов қўриқлаётган дарвозани аниқ нишонга олди -2:1.

Ўртоқлик ўйини. 09.02.2023

"Қизилқум" - "Брасов" (Руминия) 2:1

Анталия. “Гранд Парк” спорт мажмуаси.

Голлар: Саим Тудор 90 - Шерали Жўраев 23, Жасур Холтўраев 74.

"Қизилқум": Артёс Макосин, Олег Толмасов, Николай Тарасов, Азизбек Усмонов, Илҳом Ваҳобов, Ифеани Ифеани, Ислом Тошпўлатов, Муродбек Раҳматов, Шерали Жўраев, Виктор Мбаома, Ойбек Нурматов.

Захирадан тушганлар: Илёсов, Шукруллаев, Маматхўжаев, Холтўраев, Саноев, Анваров, Cодиқов.

"Брасов": Урече, Диалло, Марк, Сорса, Олтеан, Изата, Лазар, Константин, Ласку, Ангелов, Спатару.