Antaliya o‘quv-mashg‘ulot yig‘ini doirasida "Qizilqum" ilk g‘alabani qo‘lga kiritdi.
Bu gal Ruminiyaning “Brasov” klubiga qarshi bellashuvning birinchi bo‘limi o‘rtalarida raqib himoyachilarining qo‘pol xatosidan keyin jamoa sardori Sherali Jo‘rayev darvozabon bilan birga-bir vaziyatga chiqib bordi va uzoq pastki burchakni aniq nishonga oldi.
Ikkinchi bo‘limda har ikkala jamoa tarkibida yangi kuchlar maydonga tushdi. 74-daqiqada zaxiradan maydonga tushgan hujumchimiz Jasur Xolto‘rayev hisobdagi farqni ikkitaga yetkadi. O‘yinning hakam tomonidan qo‘shib berilgan daqiqalarida Saim Tudor Ilyosov qo‘riqlayotgan darvozani aniq nishonga oldi -2:1.
O‘rtoqlik o‘yini. 09.02.2023
"Qizilqum" - "Brasov" (Ruminiya) 2:1
Antaliya. “Grand Park” sport majmuasi.
Gollar: Saim Tudor 90 - Sherali Jo‘rayev 23, Jasur Xolto‘rayev 74.
"Qizilqum": Artyos Makosin, Oleg Tolmasov, Nikolay Tarasov, Azizbek Usmonov, Ilhom Vahobov, Ifeani Ifeani, Islom Toshpo‘latov, Murodbek Rahmatov, Sherali Jo‘rayev, Viktor Mbaoma, Oybek Nurmatov.
Zaxiradan tushganlar: Ilyosov, Shukrullayev, Mamatxo‘jayev, Xolto‘rayev, Sanoyev, Anvarov, Codiqov.
"Brasov": Ureche, Diallo, Mark, Sorsa, Oltean, Izata, Lazar, Konstantin, Lasku, Angelov, Spataru.
