"Барселона"нинг марказий ҳимоячиси Андреас Кристенсен жорий мавсум олдидан "Челси"ни текинга тарк этганидан сўнг ўзига хос ном қозонди. Sport нашри хабарига кўра, "кўк-анорранглилар" мураббийлар штаби данияликни идеал трансфер ва жамоанинг энг яхши ёзги янги футболчиси деб билишади.
Эслатиб ўтамиз, Кристенсен секин-аста "Барселона" бош мураббийи Хави Эрнандеснинг ишончини қозонди ва жамоанинг асосий таркибига кириб олди. Футболчи ҳисобида Испания чемпионатининг жорий мавсумида 10 та ўйин бор. Ушбу баҳсларда даниялик битта голли узатмани амалга оширишга муваффақ бўлди.