"Реал" ярим ҳимоячиси Тони Кроос "Қироллик клуби"дан янги шартнома бўйича қарорни кечиктиришни сўради. Немис ўз танловини мавсум якунланадиган июнь ойида амалга оширишни кутмоқда. Бу ҳақда журналист Томас Гонсалес хабар бермоқда.
Эслатиб ўтамиз, аввалроқ Кроос мавсум якунида профессионал фаолиятини якунлаши мумкинлиги ҳақида хабарлар тарқалган эди. Тони "Реал"да ўйнашда давом этиши ёки фаолиятини якунлаши мумкин.
Кроос бу мавсумда Ла Лигада 2 та гол ва 2 та голли узатмани амалга оширди. Ярим ҳимоячи 2014/15 йилги мавсумдан бери "қироллик клуби" сафида ҳаракат қилмоқда.
