Каталониянинг "Барселона" клуби ҳимоячиси Жорди Альба Ла Лигадаги чемпионлик пойгасида ҳақида фикрлари билан ўртоқлашди.
Эслатиб ўтамиз, якунланишига 18 тур қолганда "кўк-анорранглилар" "Реал"ни 8 очкога ортда қолдирмоқда.
"Ла Лига чемпионлиги пойгаси "Барселона"нинг қўлида, аммо "Реал" бизга охиригача босим ўтказади, шунинг учун бу қийин бўлади. Фарқ жуда катта, аммо биз бўшашмаслигимиз керак", - деди Альба Marca билан суҳбатда.
Альба жорий мавсум Испания чемпионатида 1 та гол урди ва 3 та голли узатмани амалга оширди. Ҳимоячининг "Барселона" билан шартномаси 2024 йилнинг ёзида якунига етади.
