"Милан" ҳимоячиси Тео Эрнандез Италия чемпионатининг 22-тури доирасида "Торино" устидан қозонилган ғалаба (1:0) ҳақида фикр билдирди. Ушбу учрашувда франциялик футболчи ассистентлик қилди.
"Бу жуда муҳим учта очко, чунки "Милан" сўнгги бир неча ўйинда унчалик яхши ўйнамагани тўғри, лекин ўйлайманки, биз ҳозир фаолроқ бўламиз. Ўйлайманки, шунча ўйинда мағлуб бўлганингда ҳаммаси менталитетга боғлиқ. Биз кучлимиз, бирдаммиз, мухлислар ҳам бизни қўллаб-қувватламоқда ва биз олдинга интиламиз. Жируга ҳам гол керак эди ва у ҳозир жуда хурсанд”, - дея Эрнандеснинг сўзларидан иқтибос келтиради Football Italia.
