«Барселона» бош мураббийи Хави Эрнандес ҳужумчи Роберт Левандовскининг етакчилик фазилатларини юқори баҳолади.
Эслатиб ўтамиз, польяк «Осасуна» билан ўйинда қизил карточка олгани учун дисквалификацияни ўтаб, 2023 йилда Ла Лигада иккита ўйин ўтказишга муваффақ бўлганди.
«Левандовски жамоага етакчилик фазилатлари, ғалаба қозониш менталитети ва чемпионлик одатини олиб келади.
«Мағлубият» сўзи унинг бошида йўқ. Роберт қолган футболчиларга ижобий таъсир кўрсатади», - деди Хави матбуот анжуманида.
Левандовски 14 гол билан Испания чемпионатининг жорий мавсумдаги энг яхши тўпурари бўлиб турибди.
