Лондоннинг “Челси” клуби ярим ҳимоячиси Мэйсон Маунт фаолиятини Англия Премьер-лигасининг бошқа вакилида давом эттириши мумкин. Goal.com хабарига кўра, 24 ёшли футболчига "Ливерпуль" қизиқиш билдирмоқда.
Манбанинг қайд этишича, мерсисайдликлар топ-клуби раҳбарияти футболчи билан ёзги трансфер борасида музокаралар олиб боришган. "Челси" Мэйсонни сотиши мумкин, чунки улар у билан ҳамкорликни узайтириш борасида келиша олмадилар.
Маунт 2019 йил июль ойидан бери “Челси” шарафини ҳимоя қилиб келмоқда. Унинг “аристократлар” билан тузилган меҳнат шартномаси 2023/2024 йилги мавсум якунига қадар тузилган. Футболчининг трансфер нархи 75 миллион еврога баҳоланмоқда.