Бельгия терма жамоаси ва "Реал Мадрид" ярим ҳимоячиси Эден Азар ўзи кўрган энг яхши гол қайси эканлигини айтди.
Sport Brief хабарига кўра, ярим ҳимоячининг танлови 2017/2018 йилги Чемпионлар Лигаси мавсумида португалиялик ҳужумчи Криштиану Роналдунинг "Реал" сафида урган голи бўлган. Еврокубокнинг чорак финал босқичида ҳужумчи Туриннинг "Ювентус" клуби дарвозасига чалқанча усулда тўп киритганди.
Эслатиб ўтамиз, айни дамда Криштиану "Ан-Наср" клуби сафида Саудия Арабистони чемпионатида тўп сурмоқда. Португалиялик тўпурар яқинда "Ал-Ваҳда"га қарши ўйинда покер қайд этди.