Англия терма жамоасининг собиқ ярим ҳимоячиси Жо Коул Чемпионлар лигасининг 1/8 финалидан ўрин олган «ПСЖ» ва «Бавария» (0:1) учрашувидан сўнг ўз ҳис-туйғулари билан ўртоқлашди.

«Бавария»нинг босими яхши бўлди ва улар биринчи бўлимда устунлик қилишди. Ўйлайманки, «ПСЖ» ўзи бошлаган йўлдан ҳафсаласи пир бўлади.

Парижликларнинг барча алмаштиришлари яхши таассурот қолдирди. Ўйин охирига келиб улар биз билган жамоага ўхшади.

Менимча, «ПСЖ» бемалол дуранг ўйнаши мумкин эди», - дея Коулнинг сўзларини келтиради УЕФА расмий сайти.

Парижликларнинг 24 ёшли ҳужумчиси Мбаппе ўйин охирида иккита гол урди, бироқ уларнинг иккаласи ҳам офсайд туфайли бекор қилинди.