Бразилия футбол конфедерацияси терма жамоанинг вақтинчалик мураббийи номини эълон қилди. Ҳозирча бу лавозимда Бразилия ёшлар терма жамоасида (20 ёшгача) ўтган баҳордан буён ишлаб келаётган 50 ёшли Рамон Менезес ишлайди.
Эслатиб ўтамиз, Бразилия терма жамоаси 1/4 финал босқичига чиққан ЖЧ-2022дан сўнг Тите терма жамоа бош мураббийлиги лавозимини тарк этганди.
Сўнгги пайтларда Бразилия терма жамоаси Карло Анчелотти билан миш-мишлар фаоллашмоқда. Бироқ аввалроқ Бразилия футбол конфедерацияси ва италиялик мутахассис ўртасидаги баъзи келишувлар ҳақидаги маълумотлар рад этилганди.
