Франциянинг "ПСЖ" клубини бразилиялик ҳужумчиси Неймар Лондоннинг “Челси” клубига ўтиши мумкин. Бу ҳақда Le Parisien нашри хабар бермоқда.
Манбага кўра, "Челси" хўжайини Тодд Боули "ПСЖ" президенти Носир Ал-Хелайфи билан тушликда учрашган. Улар бразилиялик суперюлдузнинг "кўклар" сафига қўшилиш имкониятларини муҳокама қилишди. "Челси" бу трансферга қизиқмоқда ва Неймар учун парижликларга 60 миллион евро таклиф қилишга тайёр.
Аввалроқ, "ПСЖ" ёзги трансфер ойнасида Неймар билан хайрлашишга тайёрлиги ҳақида хабар берилганди. Бразилиялик футболчининг ўзи Париж клубини тарк этишни истамайди ва унга керак эмаслиги тўғридан-тўғри айтилсагина трансферга рози бўлади.
Жорий мавсумда 31 ёшли Неймар 28 ўйинда 17 та гол урди ва 16 та голли узатмани амалга оширди.
