Саудия Арабистонининг “Ал-Наср” клуби “Барселона” ярим ҳимоячиси Серхио Бускетсга шартнома таклиф қилишга тайёр, дея хабар беради журналист Фабрицио Романо.
“Кўк-анорранглилар” билан шартномаси шу ёзда якунига етадиган 34 ёшли испаниялик Каталония жамоасини тарк этишга қарор қилди.
Бускетс фаолиятини аниқ қаерда давом эттиришини ҳали ҳал қилмаган, бироқ унга МЛСдан ҳам таклиф тушган.
Жорий мавсумда футболчи каталонияликлар сафида барча мусобақаларда 27 та ўйин ўтказиб, битта голли узатмани амалга оширган.
Эслатиб ўтамиз, "Реал"нинг собиқ ҳужумчиси Криштиану Роналду "Ан-Наср"да 2023 йил бошидан буён тўп сурмоқда.
