Saudiya Arabistonining “Al-Nasr” klubi “Barselona” yarim himoyachisi Serxio Busketsga shartnoma taklif qilishga tayyor, deya xabar beradi jurnalist Fabrisio Romano.

“Ko‘k-anorranglilar” bilan shartnomasi shu yozda yakuniga yetadigan 34 yoshli ispaniyalik Kataloniya jamoasini tark etishga qaror qildi.

Buskets faoliyatini aniq qayerda davom ettirishini hali hal qilmagan, biroq unga MLSdan ham taklif tushgan.

Joriy mavsumda futbolchi kataloniyaliklar safida barcha musobaqalarda 27 ta o‘yin o‘tkazib, bitta golli uzatmani amalga oshirgan.

Eslatib o‘tamiz, "Real"ning sobiq hujumchisi Krishtianu Ronaldu "An-Nasr"da 2023 yil boshidan buyon to‘p surmoqda.