Кеча шаҳмат бўйича Ўзбекистон терма жамоаси Олимпиаданинг 3-тур ўйинларини ўтказди.

Эркаклар:
Йигитларимиз кеча айтиб ўтганимиздек Чехия терма жамоаси билан баҳс олиб борди. Минг афсуски, ушбу баҳсда йигитларимиз 2,5-1,5 ҳисобида мағлуб бўлишди.
Марат Жумаев, Андрей Хвон ва Жўрабек Хамроқуловлар дуранга имзо чекишган бўлса, Антон Филипов мағлубиятга учради.

Бугунги рақибимиз Уругвай терма жамоаси бўлади.

Аёллар:
Қизларимиз ҳозирча яхши иштирок этишмоқда. Кеча улар жуда кучли рақибга қарши, яъни АҚШ терма жамоасига қарши дона суришди ва мазкур баҳс 2-2 ҳисобидаги дуранг билан якун топди.

Ирина Геворгян ва Ҳулкар Тохиржоновалар ўз рақибаларини мот қилишга муваффақ бўлган бўлсалар, Нафиса Мўминова ва Сарвиноз Қурбонбоевалар мағлубиятни тан олишга мажбур бўлишди. Аммо ушбу натижа ҳам ёмон эмас. Сабаби АҚШ терма жамаоси мусобақаларнинг 5-рақамли терма жамаоси ҳисобланади.

Эслатиб ўтамиз, Ўзбекистон терма жамаоаси мусобақада рейтинг бўйича 35-тартиб рақами билан қатнашмоқда. Қизларимиз бугун яна бир кучли рақиб - Болгария синовидан ўтишади! Уларга омад тилаб қоламиз!

Маълумот учун:
Ўзбекистон терма жамоаси ўтказилган 3 та турдан кейин турнир жадвалида қуйидаги ўринларда боришмоқда:

Эркаклар:
Йигитларимиз кечаги мағлубиятдан кейин 35-ўриндан 68-ўринга тушиб кетишди. Хозирда турнир жадвалининг кучли учлигидан АҚШ, Хитой ва Германия терма жамоалари ўрин эгаллаган.

Аёллар:
Қизларимиз эса кечаги кучли рақиб билан бўлган дуранг ўйинида қимматли рейтинг очколарини ишлаб олишди ва 26-ўриндан 18-ўринга кўтарилишга муваффақ бўлишди. Ҳозирда турнир жадвалининг кучли учлигидан Ҳиндистон, Россия ва Чехия терма жамоалари ўрин эгаллаган.