"Манчестер Юнайтед" бош мураббийи Эрик тен Хаг Англия лига кубоги финалида "Ньюкасл" устидан қозонилган ғалаба (2:0) ҳақида фикр билдирди.
“Энг муҳими, биринчи совринни қўлга киритишимиз керак эди. Биз бундан жуда кўп илҳом оламиз, бу бизга кубокларни қўлга кирита олишимизга кўпроқ ишонч беради. Биз ҳали ҳам "Манчестер Юнайтед"ни жамоа бўлиши керак бўлган жойга қайтаришда давом этмоқдамиз", - дея тен Хагнинг сўзларини келтиради Manchester Evening News.
Бу “Манчестер Юнайтед”нинг 2017 йилдан буён қўлга киритган илк совринидир. Бу жамоанинг тарихидаги олтинчи Лига кубоги мукофоти бўлди.
