“Ювентус” бошқарувчиси Массимилиано Аллегри Италия чемпионатининг “Торино”га қарши бўлиб ўтадиган ўйини ҳақида гапирди.

“Дерби ҳар икки жамоа учун ҳам, айниқса биз учун муҳим ўйин. Биз юқорилашда давом этишимиз ва чемпионатда йўқотган очколар сонини тўлдиришимиз керак.

"Торино"га қарши ўйнаш ҳар доим қийин. Биз кичик имкониятлардан ҳам фойдаланишимиз керак. Кучли 4 таликдан жой олиш учун очко тўплашингиз керак. Биз очколар камайтирилганига қарамай, бу муаммони ҳал қилишга ҳаракат қиламиз”, - деди Аллегри матбуот анжуманида.

"Ювентус" айни дамда А Серия турнир жадвалида 4-ўриндан 12 очко ортда қолмоқда.