Жанубий Корея терма жамоаси бош мураббийи Чой Канг Хи олдида муаммо юзага келди: Германия Бундеслигасида иштирок этаётган Жанубий Корея ярим ҳимоячиси Ку Жа Чол (“Аугсбург”) ЖЧ саралаш босқичининг Ўзбекистонга қарши ўйинини ўтказиб юборадиган бўлди. 4 сентябрь куни Ку Жа Чолнинг агенти маълум қилишича, унинг мижози ўнг оёғидан олган жароҳатини даволаш борасида клуби билан мулоқотда бўлаётган экан.

Маълум бўлишича, футболчи 2 сентябрь куни “Шальке” билан ўйинда жароҳат олган ва ўйиннинг 59-дақиқасида майдонни тарк этган. Бу ҳақда “Аугсбург” клуби расмий сайти ҳам маълумот берган. Шундай қилиб, Жанубий кореянинг ишонган ярим ҳимоячиси 12 ҳафтага сафдан чиқди.

Отабек Йўлдошев, Жанубий Корея, Сеул.