Халқаро футбол федерацияси (ФИФА) раҳбари Жанни Инфантино Франция терма жамоаси ва "ПСЖ" ҳужумчиси Килиан Мбаппенинг ўйини ҳақида ўз фикрлари билан ўртоқлашди.
"Мбаппе – мухлисларни стадионга олиб келадиган футболчилардан бири. Ҳар сафар у тўпни эгаллаб олганидан ақл бовар қилмайдиган нарса юз бериши мумкин. Биз ундан ҳар бир ўйинда мўъжизалар кутамиз. Мен унинг ўйинидан қойил қоламан", - деди Жанни RMC Sport нашрига.
2022 йил охирида 24 ёшли франциялик футболчи ФИФА талқинига кўра рамзий терма жамоага кирди.
Мбаппе жорий мавсумда 21 ўйинда майдонга тушиб, 17 гол урди ва 3 голга ассистентлик қилди.
