"Арсенал" бош мураббийи Микель Артета чап қанот ҳимоячиси Киран Тирнининг кетиши ҳақидаги миш-мишларга муносабат билдирди.
Шотландиялик футболчи камдан-кам ҳолларда "канонирлар"нинг асосий таркибида майдонга тушмоқда ва ёзги трансфер ойнасида клубини алмаштириш ҳақида ўйлаяпти. 25 ёшли футболчига "Ньюкасл" қизиқиш билдирмоқда.
"Тирни кетяптими? Мен ҳеч нарса дея олмайман, бу ҳақда ўйламайман. Менинг вазифам - жамоа манфаати ҳақида қайғуриш. Футболчилар ўзларига муносиб бўлган ўйин дақиқаларини талаб қилиш ҳуқуқига эга ва биз кейинги ўйинларда бу масалани ҳал қилишга ҳаракат қиламиз", - дея испаниялик мураббийнинг сўзларидан иқтибос келтиради Фабрицио Романо, инсайдер.
