"Барселона" ҳимоячиси Серхи Роберто "кўк-анорранглилар" билан янги шартнома имзолашга яқин турибди. Бу ҳақда Mundo Deportivo саҳифаларида хабар берилди. Томонлар бугун охиригача оғзаки келишувни имзолар билан муҳрлашлари керак.

Робертонинг Каталония топ-клуби билан амалдаги шартномаси муддати жорий мавсум охиригача ҳисобланган. Серхи "Барселона" академиясини битирган ва 2013 йилнинг ёзидан бери асосий жамоада ўйнамоқда.

31 ёшли футболчи жорий мавсумда 14 та ўйинда майдонга тушиб, 3 та гол ва 1 та голли узатмага муаллифлик қилган.