Яқин орада Миланнинг «Интер» клуби ва туркиялик ярим ҳимоячи Хакан Чалханоглу янги шартнома имзолайди. Инсайдер Николо Скира бўлажак келишув тафсилотлари ҳақида билиб олди.
Инсайдер хабарига кўра, 29 ёшли ярим ҳимоячининг «нерадзуррилар» билан тузган янги шартномаси 2026 йилнинг ўрталарига қадар амал қилади.
Чалханоглунинг маоши мавсумига 5,5 миллион еврони ташкил қилади. Шартномада йилига 500 минг евро миқдоридаги бонус тўловлари ҳам кўзда тутилган.
Хаканнинг Италия гранди билан амалдаги шартномаси 2023/2024 йилги мавсум охирида якунига етади.
Ярим ҳимоячи ушбу мавсумда клуб миқёсида 32 та ўйинда майдонга тушиб, 3 та гол урди ва 6 та голли узатмани амалга оширди.
