Yaqin orada Milanning «Inter» klubi va turkiyalik yarim himoyachi Xakan Chalxanoglu yangi shartnoma imzolaydi. Insayder Nikolo Skira bo‘lajak kelishuv tafsilotlari haqida bilib oldi.
Insayder xabariga ko‘ra, 29 yoshli yarim himoyachining «neradzurrilar» bilan tuzgan yangi shartnomasi 2026 yilning o‘rtalariga qadar amal qiladi.
Chalxanogluning maoshi mavsumiga 5,5 million yevroni tashkil qiladi. Shartnomada yiliga 500 ming yevro miqdoridagi bonus to‘lovlari ham ko‘zda tutilgan.
Xakanning Italiya grandi bilan amaldagi shartnomasi 2023/2024 yilgi mavsum oxirida yakuniga yetadi.
Yarim himoyachi ushbu mavsumda klub miqyosida 32 ta o‘yinda maydonga tushib, 3 ta gol urdi va 6 ta golli uzatmani amalga oshirdi.
