«Милан»нинг собиқ бош мураббийи Фабио Капелло «россонерилар» вингери Рафаэль Леау ҳақида ўз фикри билан ўртоқлашди ва португалиялик футболчини «ПСЖ» ҳужумчиси Килиан Мбаппе билан солиштирди.
«Баъзида у бепарволик қилади ёки тўпни қайтариб олишни истамайди. Лекин у исталган вақтда гол ёки голли узатма орқали учрашув натижасини ҳал қилиши мумкин.
Яна бир муҳим жиҳат: у рақибларни етарлича хавотирга сола олади. Бугун у Европада яккама-якка вазиятларда рақибни бемалол мағлуб эта оладиган кам сонли футболчилардан бири. Тезлик бўйича у Мбаппега жуда ўхшайди», - дея Капеллонинг сўзларидан иқтибос келтиради Milan News.
Жорий мавсумда Леау «Милан» сафида барча мусобақаларда 31 та ўйинда майдонга тушди. 23 ёшли футболчининг ҳисобида 9 та гол ва 8 та голли узатма бор.
