«Milan»ning sobiq bosh murabbiyi Fabio Kapello «rossonerilar» vingeri Rafael Leau haqida o‘z fikri bilan o‘rtoqlashdi va portugaliyalik futbolchini «PSJ» hujumchisi Kilian Mbappe bilan solishtirdi.
«Ba’zida u beparvolik qiladi yoki to‘pni qaytarib olishni istamaydi. Lekin u istalgan vaqtda gol yoki golli uzatma orqali uchrashuv natijasini hal qilishi mumkin.
Yana bir muhim jihat: u raqiblarni yetarlicha xavotirga sola oladi. Bugun u Yevropada yakkama-yakka vaziyatlarda raqibni bemalol mag‘lub eta oladigan kam sonli futbolchilardan biri. Tezlik bo‘yicha u Mbappega juda o‘xshaydi», - deya Kapelloning so‘zlaridan iqtibos keltiradi Milan News.
Joriy mavsumda Leau «Milan» safida barcha musobaqalarda 31 ta o‘yinda maydonga tushdi. 23 yoshli futbolchining hisobida 9 ta gol va 8 ta golli uzatma bor.
