Madridning «Real» klubi «Manchester Siti»ning ispaniyalik yarim himoyachisi Rodri Ernandes borasida o‘z qarorini o‘zgartirdi.
Eslatib o‘tamiz, avvalroq «qirollik klubi» 2024 yilgi «Oltin to‘p» sohibini sotib olmoqchi bo‘lgan, biroq keyinroq bu fikridan qaytgan edi.
Biroq jurnalist Serxio Valentinning xabar berishicha, «Real»ning yangi bosh murabbiyi Joze Mourinyo Rodrini shaxsan o‘z jamoasida ko‘rmoqchi. Manbaga ko‘ra, yarim himoyachining o‘zi ham «qaymoqranglilar» safiga qo‘shilishni istaydi.
Jurnalistga ko‘ra, «Real» rahbariyati Mourinyuning iltimosiga ijobiy javob bergan va Jahon chempionati-2026 yakunlangach, Rodrini sotib olishga urinib ko‘rishni va’da qilgan.
Joriy mundialda 30 yoshli xavbek barcha yettita uchrashuvda maydonga tushdi, ammo golli harakatlari bilan ajralib turmadi.
