Braziliyalik hujumchi Vinisius Junior Madridning «Real» klubi bilan yangi mehnat shartnomasi borasida kelisha olmayapti. Bu haqda Madrid Universal insayder Romen Molinaga tayanib xabar bermoqda.

Manbaga ko‘ra, tomonlar o‘rtasidagi muzokaralar boshi berk ko‘chaga kirib qolgan. «Qaymoqranglilar» agar yangi bitim imzolashning iloji bo‘lmasa, braziliyalik futbolchini shu yoz sotib yuborishi mumkin.

Hozirgi vaqtda Vinisiusning transferini amalga oshirishga qodir bo‘lgan yagona klub — «Manchester Yunayted». 26 yoshli yulduzning bozor qiymati 140 million yevroga baholanmoqda. Uning «qirollik klubi» bilan tuzgan mehnat shartnomasi kelasi yilning yozida o‘z nihoyasiga yetadi.

Junior Madrid grandi safida 2018 yilning yozidan buyon to‘p surib kelmoqda.