"Реал Мадрид" вингери Эден Азар 2024 йилда шартномаси тугагунча жамоани тарк этиш ниятида эмас.
Bernabeu Digital нашрининг хабар беришича, 32 ёшли футболчи феврал ойида "Реал" раҳбарлари билан учрашган ва президент Флорентино Пересга 2024 йилгача жамоада қолиш истагини билдирган. Белгиялик бошқа клублар билан музокаралар олиб бормаяпти.
Манбага кўра, Азар учун биринчи ўринда яқинлари бахти турибди. Футболчининг оиласи Мадридда жуда қулай ва унинг ўғилларидан бири яқинда “Реал Мадрид” академиясига келиб қўшилди.
Олдинроқ жамоада бош мураббий ўзгарса, қанот ҳужумчиси Мадрид клубида ўйнашда давом этиши мумкинлиги ҳақида хабарлар тарқалган эди.
Футболчи 2019 йилнинг июлидан бери "Реал"да тўп тепмоқда. 2022/23 йилги мавсумда у жамоа сафида 7 та ўйинда 1 та гол урди ва 1 та голли узатмани амалга оширди.
