«Ливерпуль» ҳужумчиси Луис Диас майдонга қайтишга яқин турибди.
Журналист Диего Руэда хабарига кўра, колумбиялик форвард шу шанба, 11 март куни Англия премьер-лигасида «Борнмут»га қарши ўйнаши мумкин, келаси ҳафта эса Чемпионлар лигаси 1/8 финалининг жавоб учрашувида «Реал»га қарши майдонга тушиши кутиляпти.
Эътиборлиси, Диас тиззасидан олган жароҳати туфайли ўтган йилнинг октябрь ойидан бери «қизиллар» либосида майдонга тушмаганди.
Луис барча мусобақаларда 12 та ўйинда майдонга тушиб, 4 та гол ва 2 та голли узатмани амалга оширган.
