"ПСЖ" ҳужумчиси Килиан Мбаппе ёзда катта миқдорда пул мукофоти олиши мумкин, деб хабар беради The Sun L'Equipe нашрига таяниб.
Манбага кўра, 24 ёшли франциялик футболчининг шартномасида содиқлик учун бонус бор: агар футболчи ёзги трансфер ойнасида жамоани тарк этмаса, у 100 миллион евро олади. Бундан ташқари, агар у Чемпионлар лигасида ғолиб чиқса, Мбаппенинг "ПСЖ" билан шартномаси автоматик равишда янгиланар эди.
Жорий мавсумда Мбаппе барча мусобақаларда 31 та ўйинда майдонга тушиб, 30 та гол урди ва 8 та голли узатмани амалга оширди. Унинг шартномаси 2025 йилнинг ёзига қадар мўлжалланган, Transfermarkt футболчини 180 миллион еврога баҳоламоқда.
