Франция терма жамоаси бош мураббийи Дидье Дешам ЖЧ-2022 арафасида ҳужумчи Карим Бензема қандай жароҳат олгани ҳақида гапирди.
“У хафа эди, чунки бу жаҳон чемпионати у учун жуда муҳим эди. У менга: "Мен ўлдим", деди. Шифокоримизнинг ташхиси Мадридда қўйилган ташхис билан мос тушди. Энг яхши ҳолатда, унинг машғулотларга қайтиши 10 декабрдан олдин содир бўлиши мумкин эмас эди", - дея Дешамдан иқтибос келтиради RDC Sport.
Бензема ЖЧ-2022 бошланишидан олдин жароҳат олган, шу сабаб Франция терма жамоаси қайдномасидан чиқариб ташланганди. У шу сабаб турнирда иштирок эта олмади. Футболчининг терма жамоаси финалда Аргентинага имкониятни бой бериб, иккинчи ўринни эгаллади (3:3, пенальтилар – 2:4).
