"Аталанта" ҳужумчиси Адемола Лукман "Наполи"га ўтиши мумкин.
Айни дамда “Наполи”нинг ҳужумдаги етакчиси Виктор Осимхен 19 та гол билан Италия чемпионати тўпурарлар пойгасида пешқадамлик қилмоқда, учинчи ўринда бораётган Лукманда эса 12 та гол бор. Goal хабарига кўра, "Наполи" бир нигерияликни бошқасига алмаштириши мумкин: Англия Премьер-лигаси грандлари Осимхенни ўз сафига қўшиб олишдан манфаатдор, клуб бу ёзда ҳужумчини ўз сафида олиб қолиши қийин бўлиши кутилмоқда. Айнан Лукман Неаполдаги ватандошининг ўринибосари бўлишга номзодлардан бири саналади.
"Аталанта"нинг 25 ёшли футболчисининг трансфер нархи Transfermarkt экспертлари томонидан 20 миллион еврога баҳоланмоқда.