Мадриднинг “Реал” клуби бош мураббийи Карло Анчелотти чоршанба кунги Чемпионлар лигаси доирасида “Ливерпул”га қарши ўйинда ҳужумчи Карим Бенземани асосий таркибда майдонга туширмаслик ҳақида ўйламоқда.
Эслатиб ўтамиз, "Реал" "Энфилд"да ўтказилган биринчи ўйинда 5:2 ҳисобида ғалаба қозонган, Бензема дубл қайд этганди.
Evening Standard нашри хабарига кўра, Бензема жароҳатидан тўлиқ фориғ бўлмаган, шу боис "Ливерпул"га қарши ўйинда у жароҳатини қайталаб олиши мумкин. Эътиборлиси, "мерсисайдликлар" билан ўйиндан бир неча кун ўтгач, "Реал" чемпионат доирасида "Барселона" билан "Камп Ноу"да учрашиши керак.
"Реал" ҳозирда Ла Лигада "Барселона"дан 9 очко ортда қолмоқда.
