Италиялик афсонавий ҳимоячи Фабио Каннаваро А Сериядаги чемпионлик пойгаси ҳақида гапирди.

«Буни қандайдир фалокат деса ҳам бўлади. «Наполи»нинг 18 очко билан олдинда бораётгани Спалетти жамоаси таъқибчилари учун шармандалик.

Мени энг кўп «Милан» хафа қилади. Улар Чемпионлар лигасида яхши натижага эришдилар, аммо чемпионатда ҳам анча яхши ўйин кўрсатишлари мумкин эди», - деди Каннаваро.

Италия чемпионатининг 26-тури якунларига кўра, «Наполи» 68 очко жамғариб, турнир жадвалида ишончли тарзда пешқадамлик қилмоқда.

Иккинчи ўринда «Интер» (50), кучли учликни эса «Лацио» (49) ёпади. Кейинги ўринларда «Милан» ва «Рома» бормоқда.