Italiyalik afsonaviy himoyachi Fabio Kannavaro A Seriyadagi chempionlik poygasi haqida gapirdi.

«Buni qandaydir falokat desa ham bo‘ladi. «Napoli»ning 18 ochko bilan oldinda borayotgani Spaletti jamoasi ta’qibchilari uchun sharmandalik.

Meni eng ko‘p «Milan» xafa qiladi. Ular Chempionlar ligasida yaxshi natijaga erishdilar, ammo chempionatda ham ancha yaxshi o‘yin ko‘rsatishlari mumkin edi», - dedi Kannavaro.

Italiya chempionatining 26-turi yakunlariga ko‘ra, «Napoli» 68 ochko jamg‘arib, turnir jadvalida ishonchli tarzda peshqadamlik qilmoqda.

Ikkinchi o‘rinda «Inter» (50), kuchli uchlikni esa «Lasio» (49) yopadi. Keyingi o‘rinlarda «Milan» va «Roma» bormoqda.