Мадриднинг “Реал” клуби ярим ҳимоячи Тони Кроосни ўз сафида сақлаб қолиш ниятида. Todofichajes хабарига кўра, Мадрид клуби аллақачон 33 ёшли немиснинг агентига ўз таклифини бериб бўлган. Гап 2023/2024 йилги мавсум учун ҳозир мавжуд бўлган молиявий шартлар бўйича шартнома ҳақида бормоқда.
Қайд этилишича, Тони Кроос келажаги борасида ҳар қандай қарорни жорий мавсум якунида қабул қилади. Немис фаолиятини якунлашини ҳам истисно қилинмайди. Кроос аввалроқ фаолиятини "Реал"да якунлашини айтганди.
Тони Кроос 2014 йилнинг ёзидан бери "Реал"да ўйнамоқда. Ўшандан бери немис футболчиси 400 та ўйин ўтказиб, 27 та гол урган ва 88 та голли узатмани шерикларига берган.