Madridning “Real” klubi yarim himoyachi Toni Kroosni o‘z safida saqlab qolish niyatida. Todofichajes xabariga ko‘ra, Madrid klubi allaqachon 33 yoshli nemisning agentiga o‘z taklifini berib bo‘lgan. Gap 2023/2024 yilgi mavsum uchun hozir mavjud bo‘lgan moliyaviy shartlar bo‘yicha shartnoma haqida bormoqda.
Qayd etilishicha, Toni Kroos kelajagi borasida har qanday qarorni joriy mavsum yakunida qabul qiladi. Nemis faoliyatini yakunlashini ham istisno qilinmaydi. Kroos avvalroq faoliyatini "Real"da yakunlashini aytgandi.
Toni Kroos 2014 yilning yozidan beri "Real"da o‘ynamoqda. O‘shandan beri nemis futbolchisi 400 ta o‘yin o‘tkazib, 27 ta gol urgan va 88 ta golli uzatmani sheriklariga bergan.
