Bundan roppa-rosa 22 yil avval, 2004 yil 16 oktyabr kuni Lionel Messi «Barselona» safidagi ilk uchrashuvini o‘tkazgan. O‘sha kuni kataloniyaliklar derbida mehmonda «Espanyol»ga qarshi maydonga tushishgan. Messi 82-daqiqada Dekuning o‘rniga o‘yinga qo‘shilgan.
«Barselona» ushbu bahsda 1:0 hisobida g‘alaba qozongan. Qizig‘i shundaki, uchrashuvdagi yagona golni aynan 17 yoshli Messi o‘rniga maydonni tark etgan Deku kiritgan.
Argentinalik yulduz 2021 yilga qadar «Barselona» sharafini himoya qildi. Keyinchalik klubning moliyaviy muammolari tufayli tomonlar shartnomani uzaytirish imkoniga ega bo‘lmadi va Messi jamoani tark etdi. Hozirda 39 yoshli futbolchi «Inter Mayami» safida to‘p tepmoqda.
