Англиялик собиқ ҳужумчи Алан Ширер «Манчестер Сити» ҳужумчиси Эрлинг Холанднинг клубдаги ўйини ҳақида фикр билдирди.
«Холанд йиртқич ҳайвон, гол уриш машинаси, у голлар билан яшайди ва нафас олади. Агар у гол урмаса, кечаси ухлай олмайди.
У кўпроқ ва кўпроқ гол уришни хоҳлайди. Эрлинг 50 та, балки 60 та гол уриши мумкин. Бу ақлдан озиш билан баробар», - дея Ширердан иқтибос келтиради BBC.
Аввалроқ, «Манчестер Сити» ҳужумчисининг товон пули 200 миллион евро бўлгани ҳамда бу 2025 йилнинг ёзида фаоллашиши маълум бўлганди.
У шартномасини узайтирди, шунинг учун Эрлингни қўйиб юбориш банди 2025 йилда кучга киради. 22 ёшли ҳужумчи жорий мавсум «Сити» сафида барча турнирларда 36 ўйинда 39 та гол урди.
