"Арсенал" ҳужумкор ярим ҳимоячи Букайо Сака билан янги шартнома имзолаш борасида музокаралар олиб бормоқда. Todofichajes. хабарига кўра, "канонирлар" 21 ёшли вингерга 2027 йилнинг ўрталарига қадар мўлжалланган янги узоқ муддатли шартнома таклиф қилишган.
Клуб ва футболчи ўртасидаги амалдаги шартнома муддати 2023/2024 йилги мавсум охиригача ҳисобланган. Transfermarkt Букайони 110 млн еврога баҳоламоқда.
Бу мавсумда Сака Лондон клубининг ҳужум чизиғидаги асосий ўйинчилардан бири ҳисобланади. Букайо Премьер-лиганинг 28 ўйинида 12 та гол ва 10 та голли узатмани амалга оширган.
